दमक– झापाको कनकाई नगरपालिका– ५, चप्रामारीमा मोटरसाईकलको ठक्करबाट ७ वर्षका बालकको मृत्यु भएको छ। बालकलाई ठक्कर दिएर भागेका मोटरसाईकल चालक मध्येराती पक्राउ परेका छन्।

सोमबार विहान करिव ११ बजे चप्रामारीस्थित भित्री कच्ची सडकखण्डमा मे. ११ प ३३८ नम्बरको मोटरसाइकलले बाटोमा खेल्दै गरेका विनोद पाठकका छोरा सोहन (७) लाई ठक्कर दिएको थियो।

घाइते बालकलाई उपचारको लागि बिर्तासिटी अस्पताल पठाएकोमा अस्पताल पु¥याउनासाथ मृत्यु भएको थियो। दुर्घटनापछि मोटरसाइकल चालक कनकाई–५ मुस्लिम टोलका अजत मिया (२३) फरार थिए।

उनलाई राती ११ बजे बाह्रदशी गाउँपालिकाको चकचकीबाट पक्राउ गरिएको इलाका प्रहरी कार्यालय अनारमनीका डीएसपी प्रकाश विष्टले बताए।