राजविराज — सप्तरीमा नदीमा डुबेर सोमबार २ बालिकाको मृत्यु भएको छ भने एक बालिका बेपत्ता भएकी छिन्।

कञ्चनरुप नगरपालिका–४, जकगतपुर स्थित त्रियुगा नदीमा डुबेर श्रवण महतोकी छोरी प्रतिभा (९) र सुरेश सदाकी छोरी जितनी (८) को मृत्यु भएको हो।

जिल्ला प्रहरी कार्यालय सप्तरीका अनुसार धनकटा भन्ने स्थानमा नुहाउन त्रियुगा नदीमा पसेका ३ बालिका मधये २ जनाको मृत्यु भएको हो। काजल खङ (८) अझै बेपत्ता भएकी छिन्। उनको खोजी भईरहेको प्रहरीले जनाएको छ।