काठमाडौँ– भक्तपुरमा आईतबार साँझ बसले ठक्कर दिँदा मोटरसाइकलमा पछाडि वसेकी महिलाको मृत्यु भएको छ।

भक्तपुरबाट काठमाडौँर्फ जादै गरेको बा प्र ०१–००६ख २९९६ नम्बरको बसले सोही दिशामा जाँदै गरेको बागमती प्रदेश ०२–०२८प ०५३९ नम्बरको मोटरसाइकललाई मध्यपुरथिमी नगरपालिका–४ चारदोबाटोमा ठक्कर दिएको थियो।

दुर्घटनामा मोटरसाइकलको पछाडि वसेकी चाँगुनारायण–७, बागेश्वरी बस्ने अप्सरा फुयाल (४५) घाईते भएकी थिईन। उनलाई उपचारका लागि भक्तपुर इन्टरनेशनल अस्पतालमा भर्ना गरिएको थियो। उपचारको क्रममा उनको मृत्यु भएको जिल्ला प्रहरी परिसर भक्तपुरले जनाएको छ।

बस र मोटरसाइकल चालकलाई प्रहरीले नियन्त्रणमा लिएको छ।