काठमाडौँ– हङकङमा जारी ‘द हङकङ सिक्सेस’को दोस्रो खेलमा नेपालले अष्ट्रेलियामाथि ११ रनको शानदार जित निकालेको छ।

नेपालले दिएको ११२ रनको लक्ष्य पछ्याएको अष्ट्रेलिया पाँच विकेटको क्षतिमा १ सय रनमा समेटियो। उसका लागि ज्याक उडले अविजित रहँदै १२ बल ५० रन बनाए। नेपालका लागि प्रतिश जिशीले ३ तथा लोकेश बम र विवेक यादवले एक–एक विकेट लिए।

त्यसअघि टस हारेर पहिला ब्याटिङ गरेको नेपालले निर्धारित ६ ओभरमा दुई विकेट गुमाएर १११ रन बनाएको थियो। नेपालका लागि सन्दीप जोराले १६ बलमा ५१ रन तथा लोकेश बमले १३ बलमा ३३ रन बनाए।

अस्ट्रेलियाका ज्याक हुडले २ विकेट लिए।

पहिलो खेलमा नेपालले इंग्ल्याण्डलाई ६ विकेटले पराजित गरेको थियो। जितसँगै क्वार्टरफाइनल प्रवेश गरेको नेपालले आजै दिउँसो साढे १ बजे श्रीलंकासँग खेल्दैछ।