इटहरी– सुनसरीको धरानबाट प्रहरीले यौन व्यवसायमा संलग्न होटल सञ्चालकसहित ७ जनालाई पक्राउ गरेको छ।

धरान–१२ चतरा लाइनको श्रेष्ठ होटेलका सञ्चालक जगत श्रेष्ठ सहितलाई प्रहरीले शनिवार पक्राउ गरेको हो। पक्राउ पर्ने होटल सञ्चालक बाहेक ४ महिला र २ पुरुष छन्।

श्रेष्ठले होटलमा महिला राखेर कमिशनका लागि यौन व्यवसाय चलाएको सूचनापछि इलाका प्रहरी कार्यालय धरानले होटेलमा छापा मारेको थियो। त्यस क्रममा उनीहरुलाई रङ्गेहात पक्राउ गरिएको प्रहरीले जनाएको छ।