माईती हिडेकी महिला एक सातापछि मृत फेला परिन
शीर्ष खबर
१९ असोज २०८१ ३:४९
विराटनगर — पाँचथरमा माईत हिँडेकी एक महिला मृत फेला परेकी छिन्। फालेलुङ गाउँपालिका–७ की ५५ वर्षीय देवीमाया रिमाल (तामाङ) मृत फेला परेकी हुन।
तामाङको शव शुक्रबार साँझ फिदिम नगरपालिका –१२, नांगीनको भोटेगाउँ नजिकै फेला परेको हो। भोटेगाउँ नजिकै भित्री सडकमा मृत फेला परेकी उनी १२ असोजमा घरदेखि फिदिम–१२ स्थित माइती जान भनेर हिँडेको जिल्ला प्रहरी कार्यालय पाँचथरले जनाएको छ।
बाटोमा लाडिरहेको शव देखेपछि स्थानीयले प्रहरीलाई खबर गरेका थिए। शव पोष्टमार्टमका लागि पाँचथर अस्पताल ल्याइएको प्रहरीले जनाएको छ।
प्रतिक्रिया
