काठामाडौँ– पूर्वराजा ज्ञानेन्द्र शाह निजी भ्रमणका क्रममा विहिबार सपरिवार भुटान पुगेका छन्। उनी भुटान एयरलाईन्सको जहाजमार्फत भुटानको राजधानी थिम्पुु पुगेका हुन्।

पूर्वराजासँगै उनकी छोरी प्रेरणा, शिताष्मा शाह, राजेश सिंह र स्वकीय सचिव सागर तिमल्सिना पनि छन्। भुटानी राजकुमारीले उनीहरुको स्वागत गरेकी छिन्। शाहको भुटान भ्रमण निजी रहेको शाहका सम्वाद सचिव फणिराज पाठकले जानकारी दिए।

भुटानमा रहँदा उनले धार्मिक क्षेत्र भ्रमण गर्ने र विभिन्न व्यक्तित्वहरुसँग भेटघाट गर्ने बताइएको छ। उनको भुटान भ्रमणलाई अर्थपूर्ण रुपमा हेरिएको छ। पूर्वराजा शाह असोज २० गते आइतबार स्वदेश फर्कने बताइएको छ।