विराटनगर– मोरङको बेलबारीमा मंगलबार साँझ यात्रु वस र बोलेरो जीप ठोक्किँदा जीपका चालकको मृत्यु भएको छ।

बेलबारी– ३, पुरानो बेलबारी बेतना सिमसार छेउमा पश्चिम जाँदै गरेको ना ४ ख १४९० नम्बरको बस र पूर्व जाँदै गरेको प्रदेश १– ०२–००१ ज ४२७७ नम्बरको बोलेर ठोक्किएर दुर्घटना भएको हो।

दुर्घटनामा बोलेरो चालक बेलबारी ८ का ३६ वर्षीय कृष्ण थापा गम्भिर घाईते भएका थिए। उनलाई उपचारका लागि विराटनगर स्थित न्युरो अस्पताल लगिएको थियो। उपचारकै क्रममा उनको मृत्यु भएको जनाईएको छ।

दुर्घटनामा बोलेरो पुर्णरुपमा क्षतिग्रस्त भएको इलाका प्रहरी कार्यालय बेलबारीले जनाएको छ। दुर्घटनाको थप विवरण आउन बाँकी छ।