दमक– झापाको दमकमा गाई काटेको आरोपमा प्रहरीले एक जनालाई पक्राउ गरेको छ।

दमक नगरपालिका–५ मा बस्दै आएका बेलडाँगी शरणार्थी शिविरका प्रेम विष्टलाई चोरी र गौ हत्याको आरोपमा पक्राउ गरिएको हो।

इलाका प्रहरी कार्यालय दमकले गाई काट्ने हतियार, जोख्ने तराजु र केही मासुसहित विष्टलाई पक्राउ गरेको हो।

मंगलबार राति दमक–२ का ६७ वर्षीय लक्ष्मण विष्टको वडा नम्बर १ स्थित गोठबाट गाई चोरी भएको थियो। खोजतलास गर्दा गाई काटेर हत्या गरिएको अवस्थामा फेला परेको थियो। घटनामा संलग्नलाई कारबाहीको माग गर्दै हिन्दुवादी संगठनहरुले आन्दोलन गर्दै आएका छन्।