जनकपुर– महोत्तरीमा शुक्रबार राती श्रीमतीको हत्या गरेर एक ब्यक्ति फरार भएका छन्। महोत्तरी गाउँपालिका–१, सोनुषडाका ४५ वर्षीय हबिब नदाफले श्रीमती ३६ वर्षीया रोशना खातुनको हत्या गरेका हुन्।

शुक्रबार राती खाना खाएर कोठामा सुत्न गएकी श्रीमतीलाई कुटपिट गरि हत्या गरेको र हविब फरार भएको प्रहरीले जनाएको छ। राती सानीमासँग सुत्न गएकी ६ वर्षीया छोरी शनिवार विहान रोएको आवाज आएपछि खोजविन गर्दा घटना सार्वजनिक भएको हो।

रोशनाको हत्या भएको जानकारी पछि स्थानीयले प्रहरीलाई खवर गरेका थिए। प्रहरीले घट्नास्थल पुगेर अनुशन्धान सुरु गरिसकेको महोत्तरी प्रहरीका एसपी नकुल पोखरेलले जानकारी दिए। हत्यारा फरार रहेकाले खोजतलास भईरहेको उनको भनाई छ।