माछाभात खाएर सुतेका एकै परिवारका तीन बालबालिकाको मृत्यु, फुड पोईजन भएको आशंका
शीर्ष खबर 
जनकपुर– बाराको सिम्रौनगढ नगरपालिकाको झवानी गाउँमा एकै परिवारका तीन जना बालबालिको अप्रत्यासित मृत्यु भएको छ। माछा भात खाएका उनीहरुलाई फूड पोईजन भएको आशंका गरिएको छ।
बारा प्रहरीका डीएसपी दीपक सापकोटाका अनुसार झवानी निवासी नरेश राम चमारका छोरीहरू ९ वर्षीया, लालिमा, ७ वर्षीया पुष्पा र ५ वर्षीय छोरा कृष्णनन्दनको मृत्यु भएको हो। छिमेकी राजदेव रामका अनुसार उनीहरु आईतवार राति माछाभात खाएर सुतेका थिए।
केही समयपछि नै तीनैजना बालबालिकाको स्वास्थ अवस्था बिग्रेपछि उपचारका लागि जिल्ला अस्पताल कलैया लगिएको थियो। उपचारकै क्रममा उनीहरुको मृत्यु भएको छिमेकी राजदेवले जानकारी दिए।
डीएसपी सापकोटाले घटनाको पुष्टि गर्दै मृतक तीनैजना बालबालिकाको शव पोस्टमार्टमका लागि जिल्ला अस्पताल कलैयामा राखिएको बताएका छन्। घटना बारे अनुसन्धान भइरहेको तथा थप विवरण आउन बाँकी रहेको उनले वताए।
