मकवानपुर– मकवानपुरको इन्द्रसरोवर गाउँपालिका–३ सिस्नेरीमा आज विहानै सुमो दुर्घटना हुँदा १० जना घाइते भएका छन्।

काठमाडौँबाट वीरगन्ज जाँदै गरेको मधेस प्रदेश ०३–००१ ज ०३६२ नम्बरको सुमो आफैँ अनियन्त्रित भएर दुर्घटनामा परेको हो। सडकको नाला साइडमा पल्टिएको सुमोमा सवार चालकसहित १० जना यात्रु घाईते भएको जिल्ला प्रहरी कार्यालय मकवानपुरले जनाएको छ।

घाइतेमध्ये तीन जनाको अवस्था गम्भीर छ भने अन्य ७ जना यात्रुको अवस्था मध्यम रहेको प्रहरीले जनाएको छ। घाइतेलाई उपचारका लागि काठमाडौँ पठाइएको छ। दुर्घटनाबारे थप विवरण आउन बाँकी छ।