काठमाडौं– सुर्खेतको वीरेन्द्रनगरमा सोमबार बस दुर्घटना हुँदा २ जनाको मृत्यु भएको छ भने १९ जना घाईते भएका छन्।

दैलेखबाट सुर्खेतको वीरेन्द्रनगर जाँदै गरेको बस वीरेन्द्रनगर–१४ स्थित कटकुवा नजिकै दुर्घटना भएको हो। दुर्घटनामा दुई जनाको मृत्यु भएको तर पहिचान नखुलेको प्रहरीले जनाएको छ।

जिल्ला प्रहरी कार्यालय सुर्खेतका प्रमुख रूपेश खड्काका अनुसार कर्णाली प्रदेश ०२ ००१ ख ०८५२ नम्बरको बस सोमबार दिउँसो करिव साढे १ बजे दुर्घटना भएको हो। दुर्घटनामा १९ जना घाइते भएका छन्।

घाइते १७ जनाको कर्णाली केयर हस्पिटल र २ जनाको प्रदेश अस्पतालमा उपचार भइरहेको प्रहरीले जानकारी दिएको छ।