जनकपुर– बाराको इलाका प्रहरी कार्यालय अमलेखगञ्जमा कार्यरत वरिष्ठ सई पुज्य बिसीले बोकेको अटोमेटिक पेस्तोल हराएपछि अहिले प्रहरी वृत्तमा खैलावैला भएको छ।

१० राउण्ड गोली लोड भएको उक्त पेस्तोल गए रातीदेखि हराएको हो। जिल्ला प्रहरी कार्यालय बाराका डीएसपी दधिराम न्यौपानेले पनि राती अपरेसनमा जाँदा पेस्तोल हराएको पुष्टि गर्दै खोजी भइरहेको बताएका छन्।

उनका अनुसार बिसीसहितको टोली सोमबार राति लागुऔषधको अपरेसनमा गएको थियो। सो क्रममा लागुऔषध गाँजासहित केही व्यक्ति समेत पक्राउ परेका थिए। अपरेसनकै क्रममा पेस्तोल हराएको उनको भनाई छ।

घटनाबारे बारा प्रहरीले अनुसन्धान अघि बढाएको छ।