काठमाडौं– सशस्त्र प्रहरी बलकी बक्सिङ खेलाडी निता गोसाई मृत फेला परेकी छन्। सिपाहीसमेत रहेकी २८ वर्षीया गोसाई भक्तपुर नगरपालिका– ८ स्थित आफ्नै घरमा मृत अवस्थामा फेला परेकी हुन।

जिल्ला प्रहरी परिसर भक्तपुरका डिएसपी बसन्त पाठकका अनुसार गोसाई मृत फेला परेपछि प्रहरीले एक पुरूषलाई नियन्त्रणमा लिएको छ।

गोसाईका परिवारले ती पुरूषविरूद्ध आत्महत्या दुरूत्साहन कसुरमा जाहेरी दिएका थिए। गोसाईले आत्महत्या गरेको प्रहरीको अनुमान छ। गोसाईको केही समयपछि विवाह गर्ने तयारी थियो।