ट्रयाक्टर दुर्घटनामा पति–पत्निसहित ५ जनाको मृत्यु, चालक फरार
शीर्ष खबर 
काठमाडौं– रुकुमपश्चिमको आठबीसकोट नगरपालिकामा ट्रयाक्टर दुर्घटना हुँदा श्रीमान श्रीमतीसहित ५जनाको मृत्यु भएको छ। कोट च्यारीगाउँ खोला नजिकै आठबीसकोट–१० पिरिकोट भित्री सडकखण्डमा रा१द १४ नम्बरको ट्रयाक्टर दुर्घटना भएको हो।
दुर्घटनामा आठबीसकोट–१० नाउलाका ४६ वर्षीय लोकबहादुर शाही, उनकी श्रीमती ४२ वर्षीया लुकी, सोही वडाको डाँडाका ४८ वर्षीय धनराम सार्की, ५२ वर्षीय भर्दर सार्की र ४७ वर्षीया निर्मला सार्कीको मृत्यु भएको इलाका प्रहरी कार्यालय आठबीसकोटले जनाएको छ।
दुर्घटनामा अन्य नौजना घाइते भएका छन् । घाइते हुनेमा आठबीसकोट–८ का ४१ वर्षीय खड्कबहादुर पुन, वडा नं १० का ३८ वर्षीय रमेश सार्की, वडा नं ८ का १४ बर्षीय दलबहादुर पुन, ५६ वर्षीय कुमारघर्ती, ३४ वर्षीया रमा गुरुङ, ५१ वर्षीय जगवीर सार्की, ३६ वर्षीय जयबहादुर घर्ती, ५८ वर्षीय मने सार्की, ४२ वर्षीय मदन पुन छन्।
घाइतेको नगर अस्पतालमा उपचार भइरहेको प्रहरीले जानकारी दिएको छ। प्रहरीका अनुसार जस्तापाता बोकेर वडा नं ८ स्थित घर्तीगाउँ जाँदै गरेको ट्याक्टर घुम्तीमा मोड्न खोज्दा बुधबार राती करिव १० बजे दुर्घटना भएको हो।
ट्रयाक्टर चालक आठबीसकोट–९ का २१ वर्षीय गोपाल विक फरार रहेको इलाका प्रहरी कार्यालय आठबीसकोटका इन्स्पेक्टर नवीन मरासिनीले जानकारी दिए।
