पोखरा– नेकपा (एमाले) का अध्यक्ष केपी शर्मा ओली अहिले ‘समृद्धिका लागि संकल्प यात्रा’ मा छन्। संकल्प यात्राका क्रममा विभिन्न स्थानमा आयोजित जनसभालाई सम्वोधन गरिरहेका छन्।

झुलाघाट–चिवाभन्ज्याङ (मध्यपहाडी राजमार्ग) केन्द्रित यात्राको क्रममा रहेका एमाले अध्यक्ष तथा पूर्वप्रधानमन्त्री ओलीले आज कास्कीको नयाँपुलमा बेहुला–बेहुलीलाई आर्शीवाद र बधाई दिनसमेत भ्याएको छ।

यात्राको क्रममा बिहीबार बागलुङ–पर्वत हुँदै कास्की पसेका ओलीले अन्नपूर्ण गाउँपालिका ५,नयाँपुलमा बाटोनेरको घरमा पसेर नवविवाहित दम्पत्तिलाई आर्शीर्वाद दिएका हुन्।

नयाँपुलका सञ्जय केसी र संगीता केसीको बिहीबार नै विवाह हुँदै थियो। उनले दुवैलाई माला लगाएर शुभकामना दिएका थिए। एमाले अध्यक्ष ओलीको बिहीबारको बास पोखरामा भएको छ।