विराटनगरको कवाडी गोदाममा आगलागी हुँदा २ जनाको मृत्यु
![विराटनगरको कवाडी गोदाममा आगलागी हुँदा २ जनाको मृत्यु](https://www.sheershakhabar.com/wp-content/uploads/2023/12/aaglagi.jpg)
विराटनगर– विराटनगर महानगरपालिका–७ को सातघुम्तीमा रहेको एक कबाडी गोदाममा बुधबार दिउँसो आगलागी हुँदा २ जनाको मृत्यु भएको छ। २ जना सख्त घाइते भएका छन्।
कर्कटपाताको छानो भएको कवाडी गोदाममा दिउँसो २ः१५ बजेतिर आगलागी सुरु भएको थियो। मृतक मध्ये एक जना विराटनगर–७ का ३० वर्षीय दीपक मण्डल र एकको पहिचान खुल्न सकेको छैन।
मण्डलको उपचारका क्रममा र पहिचान नखुलेकाको घटनास्थलमै मृत्यु भएको मोरङ प्रहरीका डीएसपी रन्जनकुमार दाहालले वताए।
घाइतेमध्ये ५५ वर्षीया रिता सरदार र ६० वर्षीय सुशीला पासवानको स्थानीय अस्पतालमा उपचार भइरहेको छ। प्रहरीका अनुसार उनीहरुको ८० प्रतिशत शरीर जलेको छ। आगलागी नियन्त्रणमा आइसकेको छ। आगजनीको कारण भने खुल्न बाँकी रहेको दाहालले बताए।
प्रतिक्रिया