काठमाडौं– रामेछाप विमानस्थलमा तारा एयरका दुई पाइलटबीच शुक्रबार बिहान युनिफर्ममै कुटाकुट भएको छ। वरिष्ठ क्याप्टेन सन्तोष साह र त्यही कम्पनीका अर्का क्याप्टेन सञ्जीव श्रेष्ठबीच रामेछाप विमानस्थलको एप्रोनमा कुटाकुट भएको हो।

कुटाकुटको कारण खुलेको छैन। साह विहान ८ बजे तारा एयरको टुइनअटर विमान लुक्लाबाट रामेछाप विमानस्थलमा लिएर आएका थिए भने श्रेष्ठ रामेछापबाट त्यही जहाज लिएर लुक्ला जाने तयारीमा थिए।

ड्युटी अदलीबदलीको समयमा दुवै जना क्याप्टेनको कुटाकुट भएको रामेछाप विमानस्थल प्रमुख अशोक थापाले वताए। प्रत्यक्षदर्शीका अनुसार साह विमानस्थल भवनतर्फ आउँदै र श्रेष्ठ जहाजतर्फ जाँदै थिए। साहले हात मिलाउन खोज्दा सञ्जीवले धकेलेर लडाई दिए। त्यसपछि दुई जनाको हानाहान परेको थियो।

घटनापछि क्याप्टेन साहले आफूलाई हातमा चोट लागेको र मन्थली बजारमा उपचार गर्न जान लागेको बताए। श्रेष्ठ भने जहाज लिएर लुक्ला पुगेका छन्। उनलाई र उक्त जहाजलाई लुक्ला विमानस्थलमै र श्रेष्ठलाई रामेछापमा ग्राउन्डेड गरिएको छ। प्राधिकरणले क्याप्टेन श्रेष्ठको पाइलट इजाजतपत्र खारेज गर्ने तयारी गरेको छ।

तारा एयरलायन्सका प्रवक्ता सुर्दशन बर्तौलाले कम्पनीबाट घट्नाको इन्क्वायरी भइरहेको बताए।

सम्बन्धित खबर

• – मोवाईल स्विच अफ गरेर भाग्ने तयारीमा रहेका रिगल नेपालगञ्जबाट पक्राउ

• – रिगलको कैद सजाय मिनहा गर्ने राष्ट्रपतिको निर्णय सवोच्चद्वारा बदर, थुनामा राख्न आदेश (पूर्णपाठ)

• – अपराधि छुटाउन सरकारले नै गरेछ किर्ते, रिगल प्रकरणमा सर्वोच्च पुग्यो किर्ते कागजात

• – रिगलको कैद मिनाहा गर्नुको कारण पेश गर्न सरकारलाई सर्वोच्चको आदेश

• – गुण्डा संरक्षण गर्ने राष्ट्रपतिको निर्णय विरुद्ध भारतीले थालिन रिले अनशन