झापामा कुकुरसँग मोटरसाईकल ठोक्किएर घाईते भएका २ मध्ये १ जनाको मृत्यु
शीर्ष खबर
१६ असार २०८१ ४:०३
दमक– झापाको कमल गाउँपालिकामा कुकुरसँग मोटरसाईकल ठोक्किएर दुर्घटना हुँदा घाईते भएका एक जनाको मृत्यु भएको छ। शिवसताक्षी नगरपालिका–२ का ४० वर्षीय नवीन आचार्यको शनिवार साढे ४ बजे उपचारको क्रममा मृत्यु भएको हो।
मोटरसाइकल चालक शिवसताक्षी नगरपालिका–२ कै २६ वर्षीय पदमबहादुर पौडेलको दमकस्थित निम्स अस्पतालमा उपचार भइरहेको छ।
जिल्ला प्रहरी कार्यालय झापाका अनुसार प्र १–०१–०१४ प ८९१४ नम्बरको मोटरसाइकल शुक्रबार बेलुका कमल गाउँपालिका–५ मा दुर्घटना भएको थियो। बाटो काट्दै गर्दै गरेको कुकुरलाई ठक्कर दिएर दुर्घटना हुँदा मोटरसाईकलमा सवार दुवै जना घाईते भएका थिए।
दुवैलाई दमकस्थित निम्स अस्पतालमा प्राथमिक उपचारपछि आचार्यलाई विर्तामोड स्थित विएन्डसी अस्पताल लगिएको थियो।
प्रतिक्रिया
