राजविराज– सप्तरीमा शुक्रबार दिउँसो ट्रकले ठक्कर दिँदा साईकल यात्रीको मृत्यु भएको छ।

पुर्वपश्चिम राजमार्ग अन्तर्गत खडक नगरपालिका–५, खरचुहियामा भएको दुर्घटनामा स्थानीय ६० वर्षिय माखन साहको मृत्यु भएको हो।

पश्चिम जाँदै गरेको ना ८ ख २८१६ नम्बरको ट्रकले विपरित दिशामा जाँदै गरेको साईकललाई ठक्कर दिँदा साहको घटनास्थलमै मृत्युु भएको हो।

मृतक साहको शव पोष्ट मार्टमका लागि राजविराज स्थित गजेन्द्रनारायण सिंह अस्पतालमा राखिएको छ भने ट्रक र चालक प्युठान छिन्ताङ्गका बम बहादुर पुनलाई प्रहरीले नियन्त्रणमा लिएको छ।

ट्रकको ठक्करबाट साहको मृत्यु भएपछि आक्रोशित स्थानीयबासी तथा आफन्तहरुले सडकमा टायर बालेर प्रदर्शन गरेका थिए। प्रदर्शनका कारण पुर्वपश्चिम राजमार्ग अवरुद्ध भएको थियो।