जनकपुर– बारामा शुक्रबार मध्ये राती बसको ठक्करबाट ड्युटीमा रहेका ट्राफिक प्रहरी जवानको मृत्यु भएको छ। अमलेखगञ्जमा कार्यरत प्रहरी जवान मुनटुन यादवको मृत्यु भएको हो।

पर्साको छिपहरमाई गाउँपालिका मिर्जापुरका यादवलाई शुक्रबार राती काठमाडौंबाट काँकरभिट्टा जाँदै गरेको बसले ठक्कर दिएको थियो।

जितपुर सिमरा उपमहानगरपालिकाको अमलेखगञ्ज चोकमा राति ११ बजे बागमती प्रदेश ०१–००ख ६१२३ नम्बरको बसले ठक्कर दिँदा उनको घटनास्थलमै मृत्यु भएको प्रहरीले जनाएको छ।

बाराका डीएसपी दधिराम न्यौपानेका अनुसार चेकजाँचका लागि रोक्न खोज्दा बसको ब्रेक नलागेर यादवलाई ठक्कर दिएको हो।