राजविराज– धरानबाट भोजपुरको चुहार जाँदै गरेको को. १ ज २५९३ नम्बरको बोलेरो जीप उदयपुरको बेलका नगरपालिका–७, मैनामैनीमा दुर्घटना हुँदा महिला र बच्चासहित ६ जनाको मृत्यु भएको छ।

भीरबाट निक्कै तल पुगेको जीप दुर्घटनामा चालक र बाँकी ५ यात्रुको मृत्यु भएको बताइएको छ । चालक मानबहादुर बस्नेतबाहेक अन्य मृतकको सनाखत भइसकेको छैन।

१४ जना सवार जीपमा ६ जना मृत्यु भएको सूचना प्राप्त भएको जिल्ला प्रहरी कार्यालय भोजपुरका डीएसपी सुदीपराज पाठकले जानकारी दिए। जीपमा अधिकांश यात्रु भोजपुरकै आमचोक र हतुवागढी गाउँपालिकाका छन्।

मृतकको संख्या बढ्न सक्ने प्रहरीको भनाइ छ। घटनास्थलबाट प्रहरीले उद्धार गरेर ७ जनालाई उपचारका लागि धरानतर्फ पठाइएको जनाएको छ। भोजपुरको हसनपुर प्रहरी चौकीको टोली घटनास्थल छ।

फाईल फोटो।