मध्येरातमा २ युवकमाथि छुरा प्रहार, दुई जना पक्राउ
शीर्ष खबर
२ वैशाख २०८२ ८:४७
विराटनगर– धनकुटाको धनकुटा नगरपालिका–५ बिहीबारे हाट नजिक सोमबार राति दुई युवकमाथि छुरा प्रहार भएको छ।
राति साढे ११ बजे भएको घटनामा स्थानीय १७ वर्षीय आयुष राई र कुशल राई घाईते भएका छन्। कुशलको टाउको तथा ढाड र आयुषको गर्धन तथा बायाँ पाखुरामा चोट लागेको छ।
कुशलको जिल्ला अस्पतालमा प्राथमिक उपचारपछि धरानस्थित बीपी कोइराला स्वास्थ्य विज्ञान प्रतिष्ठानमा र आयुषको जिल्ला अस्पतालमा उपचार भइरहेको छ।
घटनामा संलग्न धनकुटा–६ नाशल चोकका १९ वर्षीय रुसुक नेवा खड्गी र धनकुटा–७ का १८ वर्षीय लाजीहाङ लिम्बु पक्राउ परेका छन्। खड्गी नाशल चोक र लिम्बुलाई शिव मन्दिर नजिकबाट पक्राउ परेका हुन।
छुरा प्रहार भएको कारण खुलेको छैन। पक्राउ परेका दुवैलाई जिल्ला प्रहरी कार्यालयको हिरासतमा राखि कानुनी कारबाहीको प्रक्रिया अघि बढाएको प्रहरीले जनाएको छ।
प्रतिक्रिया
