मोरङमा विजुलीको पोलमा मोटरसाईकल ठोक्किँदा श्रीमान श्रीमतीको मृत्यु

विराटनगर– मोरङको रतुवामाईमा शुक्रबार राति मोटरसाईकल दुर्घटनामा परी श्रीमान श्रीमतीकै मृत्यु भएको छ।

रतुमाई नगरपालिका–६ त्रिभुवन चोकस्थित आमबारी भित्री सडक खण्डमा शुक्रबार राति करिव सवा १० बजे को ९ प ७२९५ नम्बरको मोटरसाइकल आफैं अनियन्त्रित भएर बिजुलीको पोलमा ठोक्किएको थियो।

दुर्घटनामा आमबारीबाट उर्लाबारीस्थित घर जाँदै गरेका मोटरसाइकल चालक रतुवामाई नगरपालिका–१ कल्याणपुरका सोम टुडू र पछाडि सवार उनकै श्रीमती वामनी हेमराम घाईते भएका थिए। उनीहरुलाई स्थानीयले उद्धार गरेर उपचारका लागि रंगेली अस्पताल पठाएका थिए।

उपचारकै क्रममा दुवैको मृत्यु भएको मोरङ ट्राफिकका इन्स्पेक्टर राजन लम्सालले जानकारी दिए। दुवैको शव पोस्टमार्टमका लागि रंगेली अस्पतालमै राखिएको छ। मोटरसाइकल तीव्र गतिका कारण दुर्घटना भएको प्रारम्भिक अनुसन्धानबाट देखिएको इन्स्पेक्टर लम्सालले जानकारी दिए।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट