एक युवकको एकै दिन दुईटा विवाहः दिउँसो प्रेमिकासँग, राति परिवारले खोजेकी युवतीसँग
शीर्ष खबर 
काठमाडौँ– भारतमा एक युवकले एकै दिन दुई वटा विवाह गरेको घट्नाले अहिले चर्चा पाएको छ। उत्तर प्रदेशका ती युवकले एकै दिन दिउँसो प्रेमिकासँग र राती परिवारले खोजेकी युवतीसँग विवाह गरेका हुन।
भारतीय अनलाई मिडिया हिन्दुस्तानका अनुसार गोरखपुर बस्ने ती युवकले केही दिनअघि दिउँसो हरपुर बुधत क्षेत्रकी प्रेमिकासँग ‘कोर्ट म्यारिज’ (अदालती विवाह) गरेका थिए। त्यसपछि उनले कोर्ट म्यारिज गरेकी श्रीमतीलाई छोडेर सोही दिन राति परिवारको आग्रहमा त्यही अर्की युवतीसँग बिहे गरे।
१५ दिनपछि प्रेमिकाले यो कुरा थाहा पाएपछि उनी युवकको घरमा पुगिन्। उनको कुरा सुनेपछि परिवारका सदस्यले उनको चरित्रमा प्रश्न उठाउँदै घरबाट निकालेको समाचारमा उल्लेख छ। त्यसपछि पीडित युवती उजुरी बोकेर प्रहरी कार्यालय पुगिन।
समाचार स्रोतका अनुसार ती युवक र उनकी प्रेमिका भनिएकी किशोरी करिव ४ वर्षदेखि प्रेम सम्बन्धमा थिए। चार वर्षपछि उनीहरूले मन्दिरमा विवाह गरे र सँगै बस्न थाले। तर यसबारे परिवारलाई जानकारी दिएनन्।
यसैबीच युवकको परिवारले उनको विवाह अर्को केटीसँग गर्ने तय ग¥यो। जब युवकलाई यो कुरा थाहा भयो, उनले आफ्नी प्रेमिकालाई सुनाए र परिवारबाट दबाब आएको बताएर कोर्ट म्यारिज गरे।
त्यसपछि युवकले आफ्नो परिवारका सदस्यहरूलाई मनाउने भन्दै आफ्नी प्रेमिकाको घरबाट निस्किए र साँझ दोस्रोपटक अर्की युवतीसँग विवाह गरे। दोस्रो बिहेपछि युवकले १५ दिनसम्म आफ्नी प्रेमिकासँग कुरा पनि गरेनन्। यसपछि ती युवती युवक खोज्दै घरमै पुगेपछि यो वास्तविकता खुलेको हो।
