जनकपुर– किराना पसलबाट लागूऔषधको होलसेल ब्यापार गरिरहेका पर्साको वीरगञ्जस्थित प्रगतिनगरका राजाराम महतो कोइरी पक्राउ परेका छन्। प्रस्तावित सीमा सुरक्षा गुल्म वीरगंज अन्तर्गतको सशस्त्र प्रहरी र वीरगञ्ज भन्सार कार्यालयको टोलीले उनलाई पक्राउ गरेको हो।

प्रगतीनगरमा उनले सञ्चालन गरेको सृष्टि किराना जेनरल स्टोरबाट लागूऔषध बरामद भएको थियो। पसलबाट पाँचवटा कार्टुनमा भण्डारण गरी राखिएको १ लाख ५१ हजार ८६० क्याप्सुल ट्रमाडोल हाइड्रोक्लोराइड नामक लागूऔषध बरामद भएको प्रहरीले जनाएको छ।

कोइरीलाई बरामद लागूऔषधसहित आवश्यक कारवाहीको लागि प्रहरीलाई बुझाइएको सशस्त्रले जनाएको छ।