चन्द्रपुरको जंगलमा स्कारपियो दुर्घटनामा मृत्यु हुने आठै जना सिरहाका
शीर्ष खबर 
जनकपुर– पूर्वपश्चिम राजमार्ग अन्तर्गत रौतहटको चन्द्रपुर नगरपालिका–४ स्थित धन्सार–लमाहा खण्डमा मंगलबार बिहान स्कर्पियो दुर्घटना हुँदा मृत्यु हुने आठै जना सिरहाका रहेको प्रहरीले पुष्टि गरेको छ।
मृत्यु हुने अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगींदेवी महरा, ६२ वर्षीया फुलमन्तिदेवी चमार, ६० वर्षीया रामकुमारीदेवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादव छन्।
जिल्ला प्रहरी कार्यालय रौतहटका एसपी दिलिप घिमिरेका अनुसार दुर्घटनामा परी घाइते भएका ५ जनाको उपचार भइरहेको छ।
बाराको गढीमाई दर्शन गरेर सिराहा फर्कँदै गरेका दर्शनार्थी बोकेको बा १६ च ३१६२ नम्बरको स्कर्पियो चन्द्रपुर–४ स्थित धन्सारपुल नजिक जंगलमा अनियन्त्रित भई सडकबाट तल झेरे रुखमा ठोक्किएर दुर्घटना भएको थियो।
