विराटनगर– मोरङको सुन्दरहरैँचामा मंगलबार राती मोटरसाईकलको ठक्करबाट एक जना पैदलयात्री महिलाको मृत्यु भएको छ।

खोर्सानेबाट केराबारीतर्फ जाँदै गरेको प्रदेश १–०२–०४६ प ३२१२ नम्बरको मोटरसाइकलले राती करिव ८ बजे सुन्दरहरैँचा नगरपालिका–१० बाघझोडामा ठक्कर दिँदा सुन्दरहरैँचा नगरपालिका–१० की ६४ वर्षीया सीता गुरागाईंको मृत्यु भएको हो।

मोटरसाईकलको ठक्करबाट घाईते भएकी उनलाई उपचारका लागि विराटनगरस्थित नोबेल शिक्षण अस्पतालमा भर्ना गरिएको थियो। उपचारका क्रममा सीताको मृत्यु भएको प्रहरीले जनाएको छ।

मोटरसाइकल चालक मोरङको ग्रामथान गाउँपालिका–७ का २६ वर्षीय भुवन खप्तडीलाई प्रहरीले पक्राउ गरेको छ। मादक पदार्थ सेवन गरेर मोटरसाईकल चलाएका खप्तडीको लाइसेन्स (सवारी चालक अनुमतिपत्र) समेत नभएको खुलेको छ।