काठमाडौँ– पेस्तोल बोकेर मोटरसाईकल चोरी गर्न हिडेका एक युवकलाई कपिलबस्तु प्रहरीले पक्राउ गरेको छ।

मायादेवी गाउँपालिका–६, बडसुडवाका २१ वर्षीय सद्दाम हुसेन फकिरलाई इलाका प्रहरी कार्यालय, पकडीले पक्राउ गरेको हो।

उनको साथबाट ४.५ मिलिमिटर क्यालिबरको ‘डेन्जर टोय एअर’ लेखेको पेस्तोल बरामद भएको छ। पेस्तोलसँगै ४३ थान छर्रा, ६ थान धमाका र एक थान मोबाइल पनि बरामद भएको प्रहरीले जनाएको छ।

उनी पेस्तोल बोकेर मोटरसाइकल चोर्न हिडेको प्रहरीको प्रारम्भिक अनुशन्धानमा खुलेको छ।

उनलाई थुनामा राखेर हातहतियार खरखजना मुद्दामा अनुसन्धान गर्न कपिलवस्तु अदालतले प्रहरीलाई ५ दिनको म्याद दिएको छ।