काठमाडौँ– धनगढीबाट महेन्द्रनगर जाँदै गरेको यात्रु बस पूर्वपश्चिम राजमार्गअन्तर्गत कञ्चनपुरको शुक्लाफाँटामा दुर्घटना हुँदा ३१ जना घाइते भएका छन्।

ना ४ ख ७७५५ नं को बस शुक्लाफाँटा नगरपालिका–११, कलुवापुरमा दुर्घटना भएको हो। दुर्घटनामा घाइते ३१ मध्ये २ जनाको अवस्था गम्भीर रहेको प्रहरीले जनाएको छ।

जिल्ला प्रहरी कार्यालय कन्चनपुरका डीएसपी उमेश जोशीका अनुसार घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको छ। घट्नाको थप विवरण आउन बाँकी छ।