जनकपुर– धनुषामा करिव १८ वर्षीया किशोरीको हत्या भएको छ। हातखुट्टा बाँधी बोरामा हालेर नहरमा फ्ल्यालेको अवस्थामा शव फेला परेको छ।

कमला नगरपालिका–२ र जनकनन्दनी गाउँपालिका–४ को बीचमा पर्ने नहरमा शव फेला परेको हो। किशोरीको घाँटीमा धारिलो हतियार प्रहार भएको र दुबै खुट्टा बाँधिएको अवस्थामा शव फेला परेको प्रहरीले जनाएको छ।

किशोरीको पहिचान भएको छैन। धान काट्न गएका किसानले नहरमा शंकास्पद अवस्थामा बोरा देखेपछि प्रहरीलाई खबर गरेका थिए। इलाका प्रहरी कार्यालय खजुरीको टोली घटनास्थल पुगेर शव बाहिर निकालेर अवाश्यक कानुनी प्रकृया पुरा गरेको छ।

जिल्ला प्रहरी कार्यालय धनुषाबाट तालिम प्राप्त कुकुरसहितको टोली घटनास्थल पुगेर अनुसन्धान गरिरहेको छ।