काठमाडौँ– रुकुमपश्चिमको चौरजहारी नगरपालिका–२ की दीपा कुमालले चिर्पटले हिर्काएर पति मधु कुमालको हत्या गरेकी छिन्। उनलाई प्रहरीले पक्राउ गरेको छ।

३२ वर्षीया दीपाले ४० वर्षीय मधुको टाउकोमा चिर्पट प्रहार गरी हत्या गरेको जिल्ला प्रहरी कार्यालय रुकुमपश्चिमका प्रमुख डीएसपी नवराज पोखरेलले जानकारी दिए। दीपा र मधुका छोरा १६ वर्षीय खिमले घटनाबारे प्रहरीलाई जानकारी दिएका थिए।

घरायसी विवादमा आज विहान दीपाले मधुलाई चिपर्ट प्रहार गरेको प्रारम्भिक अनुसन्धानबाट खुलेको छ। मृतकको शव पोस्टमार्टमका लागि जिल्ला अस्पताल सल्ले लगिएको छ।