दमक– पूर्वपश्चिम राजमार्ग अन्तर्गत विर्तामोडमा शनिवार बेलुका ट्रकले ठक्कर दिँदा स्कुटर चालक महिलाको मृत्यु भएको छ।

बिर्तामोड गरपालिका–२ मा बेलुका करिव ६ बजे भएको दुर्घटनामा परी स्कुटी चालक शिवसताक्षी नगरपालिका–७ की रोजी कटुवाल (२२) को मृत्यु भएको हो।

रामचौकस्थित चारपानेबाट मुक्तिचौकतर्फ जाँदै गरेको ना ३ ख ४३६४ नम्बरको ट्रकले सोही दिशामा जाँदै गरेको मे १० प ६०१७ नम्बरको स्कुटीलाई ठक्कर दिँदा कुटुवाल घाईते भएकी थिईन।

दुवै हातखुट्टा र अनुहारमा चोट लागेर घाइते भएकी उनलाई बिर्तासिटी अस्पतालमा प्राथमिक उपचारपछि बीएण्डसी अस्पताल लगिएको थियो। उपचारकै क्रममा राति सवा ८ बजे उनको मृत्यु भएको प्रहरीले जानकारी दिएको छ।