काठमाडौँ– नुवाकोटमा श्रीमतीमाथि तातोपानी खन्याएको आरोपमा प्रहरीले महिलाका श्रीमान र सासुलाई पक्राउ गरेको छ।

ककनी गाउँपालिका–३, चाउथेका सिजन बजगाईं र उनकी आमा सीता बजगाई पक्राउ परेका हुन। उनीहरुमाथि सिजनकी श्रीमती कल्पना अधिकारी बजगाईमाथि तातोपानी खन्याएर अमानविय ब्यवहार गरेको आरोप छ।

आरोप लागेका ससुरा रामहरि बजगाई र देउरानी फरार छन्। उनीहरु चारै जना विरुद्ध जिल्ला प्रहरी कार्यालय नुवाकोटले अनुसन्धान अघि बढाएको छ। प्रहरीका अनुसार १५ कात्तिकमा चारै जनाको मिलेमतोमा कल्पनामाथि तातोपानी खन्याईएको खुलेको छ।

घट्ना लगत्तै कल्पनाले प्रहरीमा जाहेरी दिएकी थिइन्। सोही जाहेरीका आधारमा श्रीमान र सासु पक्राउ परेको र ससुरा र देउरानीको खोजी भईरहेको नुवाकोट प्रहरीका डीएसपी तिलक भारतीले बताए।