विराटनगर– मोरङको रंगेली नगरपालिका– ८, निचामारीमा मन्दिरको पर्खालले किचेर २ वर्षीया बालिकाको मृत्यु भएको छ।

स्थानीय कसरलाल ताजपुरियाको घरमा रहेको मन्दिरको पर्खाल झरेर किच्दा शोभा ताजपुरिया (२) को मृत्यु भएको हो।

बुधबार साँझ साढे ५ बजे इटाको पर्खालले किचेर बालिका घाइते भएकी थिईन। जिल्ला अस्पताल मोरङमा उपचारकै क्रममा उनको मृत्यु भएको मोरङ प्रहरीले जनाएको छ।

घटनाबारे इलाका प्रहरी कार्यालय रंगेलीले अनुसन्धान गरिरहेको छ।