धनुषामा जुवाको एउटै खालबाट ९ लाख नगदसहित ३९ जुवाडे पक्राउ
शीर्ष खबर
१८ कार्तिक २०८१ १३:०८
जनकपुर– धनुषामा प्रहरीले गएराती जुवाको खालबाट ९ लाख नगदसहित ३९ जनालाई पक्राउ गरेको छ।
क्षिरेश्वरनाथ नगरपालिका–६, सखुवा बजारबाट जुवा खेलिरहेको अवस्थामा उनीहरुलाई पक्राउ गरिएको प्रहरीले जनाएको छ।
धनुषा प्रहरी डीएसपी वरुणबहादुर सिंहका अनुसार एउटै हलमा जुवा खेलिरहेका उनीहरुको साथबाट ९ लाख ७३ हजार ८७० रुपैयाँ बरामद गरिएको छ।
पक्राउ परेकाहरु जिल्ला प्रहरी कार्यालय धनुषाको हिरासतमा छन्।
प्रतिक्रिया
