राजविराज– उदयपुरमा शुक्रबार हुण्डाई गाडीको ठक्करबाट मोटरसाईकल चालकको मृत्यु भएको छ।

मदन भण्डारी राजमार्ग अन्तर्गत चौदण्डीगढी नगरपालिकाको बेल्टार बजार नजिकै रहेको द्वारखोलाको पुल छेउमा दुर्घटना भएको हो। दुर्घटनामा चौदण्डिगढी–२ का तिलक राईको मृत्यु भएको प्रहरीले जनाएको छ।

जिल्ला प्रहरी कार्यालय उदयपुरका डीएसपी राजन चपागाईका अनुसार बेल्टारबाट गाईघाटतर्फ जाँदै गरेको मोटरसाइकललाई काठमाडौंबाट पूर्व जाँदै गरेको हुण्डाई गाडीले ठक्कर दिएको थियो। ठक्करबाट मोटरसाइकल चालक राईको घटनास्थलमै मृत्यु भएको प्रहरीले जनाएको छ।