विराटनगर– ताप्लेजुङमा १६ वर्षीया किशोरीलाई बलात्कार गरी फरार भएका एक युवक घर आएको मौकामा पक्राउ परेका छन्।

बलात्कारका कारण किशोरी गर्भवती भएको थाहा पाएपछि भागेका राकेश हेम्ब्या लिम्बु (२८) लाई प्रहरीले पक्राउ गरेको हो। किशोरी गर्भवती रहेको प्रहरीले जनाएको छ।

घट्नापछि लिम्बु विरुद्ध किशोरीकी हजुरआमाले जिल्ला प्रहरी कार्यालय ताप्लेजुङमा किटानी जाहेरी दिएकी थिईन। सोही जाहेरीका आधारमा लिम्बूलाई पक्राउ गरिएको इन्स्पेक्टर विवेक बस्नेतले जानकारी दिए।

लिम्बूमाथि ताप्लेजुङ जिल्ला अदालतबाट सात दिनको म्याद लिएर मुलुकी अपराध संहिता २०७४ अनुसार अनुसान्धान भईरहेको इन्सपेक्टर बस्नेतले बताए।