रौतहटमा पेस्तोल र गोलीसहित २ जना पक्राउ
शीर्ष खबर
१० कार्तिक २०८१ ३:२९
जनकपुर– रौतहटको गुजारा नगरपालिका–३ धन्सार गेट नजिकैबाट पेस्तोल र गोलीसहित २ जना पक्राउ परेका छन्।
कटहरिया नगरपालिका ३ का कमोद राम चमार (२६) र नेमालाल साह बानिया (४४) लाई सशस्त्र प्रहरीको टोलीले पक्राउ गरेको हो।
सशस्त्र प्रहरी रौतहटका एसपी विक्रम हुमागाईंका अनुसार शुक्रवार साँझ विशेष सूचनाको आधारमा सशस्त्र प्रहरी बल प्रधान कार्यालय, ईन्टेलिजेन्ट ब्युरो र सशस्त्र प्रहरी ११ नम्बर हेक्वा रौतहटबाट खटिएको टोलीले उनीहरुलाई पक्राउ गरेको हो।
ज४प ९०५० नम्बरको मोटरसाइकल रोकेर चेकजाँच गर्दा मोटरसाइकलमा सवार चमार र बनियाको साथबाट १ थान नलकटुवा पेस्तोल र ३ थान ७.६२ एमएमको गोली बरामद भएको एसपी हुमागाईंले जानकारी दिए।
उनीहरूमाथि थप अनुसन्धान भइरहेको प्रहरीले जनाएको छ।
प्रतिक्रिया
