हेटौंडा– पूर्वपश्चिम राजमार्ग अन्तर्गत मकवानपुरको मनहरी गाउँपालिका–६ चौकीटोलमा आज बस र ट्रक ठोकिदा ३० जना घाइते भएका छन्। घाइते मध्ये २६ जनाको भरतपुरमा र ४ जनाको हेटौंडा अस्पतालमा उपचार भइरहेको छ।

मनहरीबाट चितवन जादै गरेको ना ६ख ३११९ नम्बरको ट्रक र चितवनबाट हेटौडा आउदै गरेको ना ७ ख ३१२० नंबरको बस ठोक्किएर दुर्घटना भएको हो। दुर्घटनाका घाइतेलाई तत्काल उद्धार गरी १३ जनालाई पुरानो मेडिकल कलेज र १३ जनालाई नया मेडिकल कलेज पठाईएको प्रहरीले जनाएको छ।

यसैगरी, ४ जना जना घाईतेको हेटौडा अस्पताल उपचार भईरहेको जिल्ला प्रहरी कार्यालय मकवानपुरका डीएसपी श्यामु अर्यालले जानकारी दिए। दुर्घट्नापछि केही समय यातायात समेत अवरुद्ध भएको थियो। दुवै सवारी साधनलाई साईड लगाई राजमार्ग सञ्चालन गरिएको डीएिसपी अर्यालको भनाई छ।