जनकपुर– धनुषामा आज मोटरसाइकल दुर्घटना हुँदा एक जनाको मृत्यु भएको छ भने एकजना गम्भीर घाइते भएका छन्।

जनकपुरबाट धनुषाधामतर्फ गइरहेको स ७ प ३९३२ नम्बरको मोटरसाईकल दुर्घटनामा सबैला नगरपालिका–१२, रघुनाथपुरका ४८ वर्षीय विश्वेश्वर मण्डलको मृत्यु भएको हो।

मिथिलाविहारी नगरपालिका–२, पर्शुराम तलाउमा मोटरसाईकल अनियन्त्रित भएर दुर्घटना हुँदा मण्डल गम्भिर घाईते भएका थिए। उनलाई उपचारका लागि प्रादेशिक अस्पताल जनकपुर ल्याउँदा चिकित्सकले मृत घोषणा गरेका थिए।

मोटरसाईकलमा सवार मृतककै आफन्त नन्द मण्डलकी २२ वर्षीया छोरी रेणु मण्डल घाईते भएको धनुषाका डीएसपी बरुणबहादुर सिंहले जानकारी दिए। उनको प्रादेशिक अस्पताल जनकपुरमै उपचार भइरहेको छ।