पोखरामा घरवेटीको आँखै अगाडि जहरसिंहले श्रीमतीलाई काटे, श्रीमतीको मृत्यु, श्रीमान पक्राउ
शीर्ष खबर 
पोखरा — पोखरामा एक ब्यक्तिले बुधबार खुकुरी प्रहार गरी श्रीमतीको हत्या गरेका छन्। पाखरा महानगरपालिका –८, बगालेटोलका ४२ वर्षीय जहरसिंह कुँवरले श्रीमती ४० वर्षीया राधिकाको हत्या गरेका हुन्।
अन्नपूर्ण गाउँपालिका–१ नौडाँडा घर भइ बगालेटोल बस्ने कुँवरले राधिकाको घाटी र पेटमा खुकुरी प्रहार गरेको पाईएको छ। दिउँसो करिव १२ बजेपछि राधिका चिच्याएको आवाज आएपछि घरबेटी गएर हेर्दा जहरसिंहले श्रीमतीलाई खुकुरी प्रहार गरिरहेका थिए।
घरबेटीले खबर गरेपछि तत्कालै वडा प्रहरी कार्यालय बैदामको प्रहरी टोलीले जहरसिंहलाई पक्राउ गरी राधिकालाई अस्पताल पु¥याएको थियो। पोखरा स्वास्थ्य विज्ञान प्रतिष्ठानमा उपचारको क्रममा उनको मृत्यु भएको कास्की प्रहरीका डीएसपी बसन्तकुमार शर्माले बताए।
प्रहरीका अनुसार सामान्य विवाद भएपछि जहरसिंहले श्रीमतीलाई खुकुरी प्रहार गरेका थिए। जहरसिंहलाई खुकुरी सहित नियन्त्रणमा लिएर थप अनुसन्धान कार्य भइरहेको प्रहरीले जनाएको छ। उनीहरुको एक छोरा रहेका छन्।
मंगलबार राती बारामा पनि एक ब्यक्तिले खुर्पाले हानेर श्रीमतीको हत्या गरेका थिए। उनी पक्राउ परेका छन्।
यो पनि,
