काठमाण्डौं– अमेरिकामा कार्यरत नेपाली नर्स ममता काफ्लेको हत्या ‘दाईजो’का कारण भएको खुलासा भएको छ। काभ्रेपलाञ्चोकको पनौती नगरपालिका–६, नमोबुद्ध निवासी ममताका बुबा कमलले यसको खुलासा गरेका हुन।

ममताले कञ्चनपुरका नरेशदत्त भट्टसँग २५ मंसिर ०७७ मा प्रेम विवाह गरेकी थिइन्। तर, नरेशको परिवारले विवाहमै दाईजोका नाममा बखेडा झिकेको थियो। नरेशका परिवारका सदस्यले दाइजो कम भएको भन्दै विवाद गरेका थिए।

यही विषयमा ६–७ महिनाअघि पनि नरेशकी आमा पार्वती भट्टसँग खटपट भएको कमलले बताएका छन्। ममताका मावली हजुरबुवा यज्ञप्रसाद तिमिल्सिनाले पनि ममता वेपत्ता र हत्या हुनुमा दाईजो प्रमुख कारण भएको जनाएका छन्। हत्यामा ममताका पति नरेशदत्त भट्ट र उनको परिवारको संलग्नता रहेको उनको दाबी छ।

ममता सुत्केरी भएका वेला स्याहार्न भनेर गएकी पार्वतीले नरेशको दिमागमा फेरी दाईजोको विष घोलेर उनीहरुको बीचमा झगडा उत्पन्न गराएको कमलको आरोप छ। यूभीए हेल्थ प्रिन्स विलियम मेडिकल सेन्टरमा कार्यरत २८ वर्षीया ममता १६ साउन (३१ जुलाई) देखि बेपत्ता छिन्।

प्रहरीले ममताका पति ३७ वर्षीय नरेशलाई अमेरिकाको भर्जिनियास्थित मनासस पार्कबाट ६ भदौमा पक्राउ गरेको छ। ७ भदौमा उनलाई अदालतमा पेश गरिएको थियो। अदालतले उनलाई थुनामा राख्ने आदेश दिएको छ। अदालतले नरेश भाग्नसक्ने सम्भावना देखिएको र समाजकै लागि खतरा रहेको भन्दै धरौटीमा छोड्न मानेन।

अदालतमा पेश गरिएको कागजातमा ममताको हत्या नरेशकै घरको बेडरूममा भएको प्रमाण फेला परेको अमेरिकी प्रहरी अधिकारीले दाबी गरेका छन्। बेडरूम र बाथरूममा रगत देखिएकाले प्रहरीले कार्पेटलगायत सामान फरेन्सिक जाँचका लागि बरामद गरेको छ।

यो पनि,

• – अमेरिकामा मारिएकी ममता काफ्लेको शव सिग्नल हिल पार्कमा गाडिएको संकेत प्रहरीले भेट्टायो
• – सुत्केरी अवस्थामै ममतामाथि नरेशका आमा छोराले कुटपिट गरेपछि घरमै पुगेको थियो प्रहरी
• – ममताको हत्या प्रकरणमा वकिलले खोले नयाँ तथ्य, श्रीमती मरेपछि विवाह र ऋणका बारेमा ४ महिनाअघि नै बुझ्दै थिए नरेश
• – श्रीमती ममताको हत्या प्रकरणमा नरेशले अदालतमा के भने ?, यस्तो छ बयान
• – अमेरिकामा श्रीमती ममताको हत्या गरेको आरोपमा पक्राउ परेका नरेश भट्टको यस्तो छ विगत
• – ममताको हत्यापछि घर बेचेर भाग्ने योजनामा थिए नरेश, मास्टर बेडरुममा भेटियो रगतको आहाल
• – सामाजिक सञ्चालबाट प्रेममा परेकी ममताको विवाहको ४ वर्ष नपुग्दै परदेशमा अवसानः प्रेमी/पति नै हत्यारा
• – अमेरिकामा २४ दिनदेखि वेपत्ता नेपाली नर्सको पतिले नै हत्या गरेको खुलासा, लाश वेपत्ता पारेको मुद्दा दर्ता
• – अमेरिकामा नेपाली नर्स वेपत्ता प्रकरणः २४ दिनपछि पति नरेश भट्ट पक्राउ
• – श्रीमानसँग खटपट भएपछि ११ महिनाकी छोरीसमेत छोडेर नेपाली नर्स अमेरिकामा वेपत्ता