जनकपुर– महोत्तरीका एक जना वडाध्यक्षको मोटरसाईकल दुर्घटनामा मृत्यु भएको छ। रामगोपालपुर नगरपालिका–२ का वडाध्यक्ष मुकेशकुमार यादवको मृत्यु भएको हो।

जलेश्वर बर्दिवास सडकखण्डको बर्दिवास नगरपालिका–८ स्थित कलभर्ट छेउमा आज बिहान उनी मृत फेला परेका थिए। यादव मृत फेला परेको छेउमा लु.प्रदेश ०१–००१ प ६३६२ नम्बरको मोटरसाइकल पनि दुर्घटनाग्रस्त अवस्थामा भेटिएको छ।

जिल्ला प्रहरी कार्यालय महोत्तरीका डिएसपी सन्तुलाल जयसवारका अनुसार उनी मोटरसाइकल दुर्घटनामा परेको अनुमान छ। मोटरसाईकल कलभर्टमा ठोक्किएर दुर्घटना भएको जस्तो देखिएको तर घटनाबारे थप जानकारी प्राप्त भईनसकेको उनको भनाई छ।