काठमाडौँ– दाङको तुलसीपुरमा तीन जना सवार मोटरसाइकल दुर्घटना हुँदा घाईते भएका थप एक किशोरको मृत्यु भएको छ। मृतकको संख्या २ पुगेको छ।

तुलसीपुर उपमहानगरपालिका–४ मा आईतबार लुम्बिनी प्रदेश ०२–००१ प १७१७ नम्बरको मोटरसाइकल दुर्घटना भएको थियो। सो दुर्घटनामा घाईते भई उपचाररत १८ वर्षीय सन्दीप वलीको बुधार विहान ६ वजे मृत्यु भएको छ।

इलाका प्रहरी कार्यलय तुलसीपुरका इन्स्पेक्टर प्रकाश थापाका अनुसार आईतबार भएको दुर्घटनामा वलीसहित तीनै जना घाईते भएका थिए। उनीहरुलाई उपचारका लागि नेपालगन्ज नर्सिङ होममा भर्ना गरिएको थियो। सन्दीपको उपचारकै उपचारका बुधबार विहान करिव ६ बजे मृत्य भएको प्रहरीले जनाएको छ।

यसअघि १६ वर्षीय दिपेन्द्र वलीको मृत्यु भएको थियो। चालक १७ वर्षीय गणेश खड्का घाइते छन्। उनको तुलसीपुर सिटी अस्पतालमा उपचार भइरहेको छ।