विराटनगर– विराटनगरमा आईतबार दिउँसो ट्रकको ठक्करबाट पैदलयात्रीको मृत्यु भएको छ।

विराटनगरबाट रंगेलीतर्फ जाँदै गरेको को १ ख ३४८० नम्बरको ट्रकले ठक्कर दिँदा कानेपोखरी गाउँपालिका घर भएका २६ वर्षीय माने भनिने मानबहादुर लिम्बूको मृत्यु भएको हो।

मोरङ प्रहरीका डीएसपी वेदप्रकाश जोशीका अनुसार ट्रकले विराटनगर महानगरपालिका–७ हाटखोला बसपार्कनजिकै लिम्बुलाई ठक्कर दिएको थियो। बाटो क्रस गर्दै गरेका बेला ट्रकले ठक्कर दिँदा उनी गम्भीर घाइते भएका थिए।

उपचारका लागि कोशी अस्पताल पु¥याउनासाथ उनको मृत्यु भएको डीएसपी जोशीले बताए। शवलाई पोस्टमार्टमका लागि कोशी अस्पतालमै राखिएको छ। ट्रक चालक फरार भएका छन्।